البستنجي والراعي.

بداية أتقدم لاصحاب الأيدي المباركه، الطاهره التي تجني حبات الزيتون باطيب الامنيات بالتوفيق وموسم خير وبركه.

اللباس الرسمي 

1. بجامة قديمة او غير مستعملة بالعادة 
2. بلوزة قديمة ويفضل ان تكون باكمام طويلة وذلك لاستعمالها عوضا عن الفاين 
3. كفوف عدد 2 (حسب الرغبه )

المعدات المستعملة 

1. مفرش ارضي ( ويكون على الاغلب حصيرة قديمة او شادر سيارة او شوالات مخيطه مع بعضها البعض ) 
2. سلم او بالعاميه" سيبه ." لغايات قطف الاغصان العاليه والغير دانيه 
3. شوالات و علب و "سطول " بالعادة تكون سطول دهان ناشونال لغايات التجميع والتفريغ 
4. مشط بلاستيك او خشب ..(للعائلات الراقيه )

نهفات قطاف الزيتون 

1. يكثر استعمال الحمام وشرب المياة واحتمال تصلي العصر 3 مرات للتهرب والاستراحات 
2. ترمي حبة زيتون ع راس اخوك وتسوي حالك بتقطف ومنسجم بالقطف وبتغني كمان
3. التمتع بالمناظر الخلابه من اعلى الشجرة اذا كنت من الاوزان الخفيفة .
4. تكثر الاهازيج والاغاني خصوصا فترة الصباح عاساس انو في صباح الوطن الجميل .
5. اللي عندو دوام بصير يداوم اضافي واللي بالجامعه بضيع مصاريه مشان ما يروح مواصلات ويقزدر للدار "والله اعلم ".

السلم الوظيفي لفراط الزيتون

1. اللي بكون على السيبه هذا بكون (مدير manger ) يعني خبره بحدود الخمسطاش سنه زلمه و افتح ثمك معه .🤐🤐🤐
2. اللي على الشجره بكون ( مساعد assistant ) خبره من 5- 8 سنين ....طبعا هاظ مساعد بالشوؤن الاداريه و بتلاقيه معرش على الشجره مثل ابو سعد. 
3. اللي على الارض (جوااااله ) هاظ بكون بعده fresh على الشغله يعني بالمستوى التشغيلي ... بلتعن التلتميس تبعه وهيه اقل درجه في السلم الوظيفي . 😓😓
4. خبير مد المفارش و خياطة الشوالات طبعا هاظ بكون عنده خبره بالشوؤن اللوجستيه . 🤔🤔و اذا انت زلمه اعطيه رأيك في شغله. 
5. خبير البهادل ... هاظ بكون عايف الزيتون قبل ما يبلش يفرط وقاعد بجنب ابريق الشاي وعايف حاله